CULTÛA LIGÛRE
( E ÄTRO ASCÌ...... )



 
 
 
 
 
 
 

L'ITALIA PRIMMA DE L'ÛNITÆ
TRENO NEI PARCHI
LIBRI DI LIGURIA
NO SÖO KANDINSKY, ASCÌ OSORGIN
BREVI DÄ LIGÛIA
A LAVAGNA PE-A TORTA DI FIESCHI
2004 : I ANTIGHI LIGÛI DA DESCROVÎ
 TÛTTI I ÒMMI DE ZENA


 
 





TÛTTI I ÒMMI DE ZENA
Sciorte 'n nêuvo libbro di Fræ Frilli Editoî pe-a collann-a "Ligûia Storica"
Grassie ä supervixon da professoressa Gabriella Airaldi , c'a l'insegna Stöia Medievale a l'Ûniverscitæ de Zena , e edissoin Fræ Frilli àn dæto o via a 'n interessante progetto de riçerca , rivalûtassion e diffûxon di antighi volûmmi in sciä Ligûia e e sêu specifiçitæ tradissionali : libbri autorevoli e de interesse, ma pe-o ciû de diffiçile reperibilitæ , fæta eccession ciæamenteoe quarche grande biblioteca o collession privâ .
Coscì tra e opëe in cantê gh'è l'edission da famosa "Cuciniera Genovese" de G.B. e G.Ratto e o terso volûmme di Annali do Caffaro .
No manchian ascì saggi de matëia storica commiscionæ de propoxito a stûddioxi e specialisti, a reguardo da Zena medievale a-o tempo dë Croxæ , in sciä vitta di zeneixi e in sciä genexi storica dë çittadinn-e do Tigûllio . Tûtti temmi che no se limitan a 'n interesse localistico, ma son de agiûtto pe poei intende 'n complesso storico ciû grande , con ûnna importansa ascì sotta o profilo do rinnovòu interesse in ti confronti de reixe e de origini storiche da Ligûia de anchêu .
I editoî commensan donca sta Collann-a Storica da Ligûia con 'n volûmme di inissi do secolo appenn-a passòu 
da-o tittolo "E famigge nobili zeneixi" do Angelo Scorza , con l'edission restampâ do 1924 . O l'è 'n libbro c'o cataloga in ciû de dûxento pagine de testo , e prinçipalli famigge c'àn segnòu a stöia da çittæ , açennando in mainea sintetica ä lö origine , a-i esponenti ciû importanti  e ä specifiçitæ araldica .
Con st'elenco de nòmmi e de personaggi se intra in diversi secoli da stöia da Ligûia , conoscendo particolarmente quelle famigge c'àn esercitòu 'nna ciû grande influensa in sciä politica da Repûbbrica de Zena ( pe esempio : Döia , Fieschi , Brignole , Grimaldi , Malaspinn-a e via coscì ....).
In te pagine de l'intròdûssion a prof.Airaldi a ne vêu mostrâ o quaddro di rapporti tra e famiggein ta Zena tardomedievale , faxendo attension a-i complesci equilibbri de potere de tippo clientelare che pe tanti secoli àn contraddistinto a vitta politica de Zena . Ne sciorte coscì 'nna fotografia de 'nna societæ comûnale donde i nûclei familiari g'àn ûnna grandiscima importansa , comme di vëi e propi çentri lobbystici ante litteram . Cûiösa, in te sto quaddro , l'è a stöia ligâ ä nascita e ä morte de tanti cognommi.
Se lëze in te l'intròdûssion :"O l'è o cognomme o vëo blason de 'nna stöia zeneize che , scibben a l'avesse fæto in antiçipo di dinæ 'na ciave de svolta da sêu stöia , a l'à mantegnûo fede costante a 'nna fëa arcaiçitæ de modelli , tegnindo ligâ ä famiggia l'organizzassion istitûssionale in tûtti i tempi" .
Mediterranea ma ascì ligâ a-o continente, a Zena antiga nobiliare a no l'è stæta donca söo 'nna çittæ a vocassion mercatile , ma o croxevia de aspirassoin , ideali e vocassoin tipicamente europpee .

LE FAMIGLIE NOBILI GENOVESI
di Angelo Scorza (opera del 1924)
Editori Fratelli Frilli
232 pagine - € 16,50

 
 
 
 
 
 
 
 
 
 
 

2004 : I ANTIGHI LIGÛI DA DESCROVÎ
In mostra da òttobre 2004 finn-a a-o zennâ 2005 ä Commenda de Prè

O 2004 a saià  l'occaxon pe poei descrovî quarcösa in ciû de noiätri e de mostrâlo a tûtti quelli che arrivian , italien e foresti . Co-a speansa da parte di organizzatoî che a mostra in scï Ligûi a g'agge o mæximo successo che gh'àn avûo quelle in scë ätre pòpolassoin de l'Italia antiga , do mediterraneo e de l'Europpa .
L'antigo pòpolo c'o l'abitava a Ligûia o l'avia avûo za rapporti co-i Etrûschi , co-i Greçi e i Çelti a partî da-o VII secolo a.c. , faxendo çircolâ çeramiche , bronxi , tærechêutte e monëe . L'espozission a saià fæta ä Commenda de Prè da òttobre 2004 finn-a a-o zennâ 2005 ; organizzâ dä Soviaintendensa pe-i Beni Archeologiçi , a faià descrovî , magara 'n pò a sorpreiza , 'n pòpolo merçenäio e agguerrïo . A demostrâlo vegnian misse in mostra spadde de færo de tippo çeltico  , elmi de bronzo e de færo , lance e giavellotti do IV-III secolo a.c. attrovæ in te de tombe tra o sciûmme Arno e o Magra .
I Ligûi viveivan in te 'nna zona ben ben vasta , a oçidente da l'arco arpin finn-a a-o Rodano , a levante finn-a ä Versilia-Lûnixann-a , e sovia da l'äia sud-ovest do Po finn-a a l'arco ligûe da costa . A mostra a çerchià de mostrâne o percorso storico tra o XVI secolo a.c. e o I secolo d.c. . L'è stæto söo a l'inissio do II secolo a.c. che e väie pòpolassoin ligûi s'ëan scontræ co-i Romani , finindo pe ëse battûe . L'è in te sto periodo chi . che sc-ciavi de Romma , commensa l'assimilassion da cultûa do ciû forte , religion , lezzi , lengua .
O materiale o l'arrivià  da mûsei statali e çiviçi de çinque regioin (Piemonte , Lombardia , Emilia-Romagna , toscann-a e Ligûia ) ma ascì da strûttue franseixi . Vediemo comme a saià organizzâ sta mostra in sciö pòpolo , assemme a quello Basco , ciû antigo d'Europpa .

O nêuvo scimbolo pe Zena capitale da cultûa 2004