| In ti ûrtimi vint'anni
, dòppo ben ben de anni che i Ligûi aivan tegnûo a testa
bassa pe fâse imponn-e a "cultûa italica" , in ta scena
politica ligûe l'è finarmente sciortïo di movimenti ötonomisti
e/o indipendentisti , ch'àn avûo o grande merito d'avei fæto
rinasce in to chêu di Ligûi l'amô pe-a lö tæra
, pe-a lö lengua e pë lö tradissoin .
G'aiva provòu o bon Bruno Ravera che assemme a-o Genta aivan misso sciû o movimento "Ûnion Ligûe" , dappêu conflûïa , assemme a ätri movimenti ötonomisti regionali do nord , in ta Lega Nord . Ma l'è in ti ûrtimi dexe anni che se vedde a nascita e a crescita de nêuvi fermenti indipendentisti : mai comme ä fin do 1900 gh'è stæto coscì tanti partïi ötonomisti . Quarchedûn , nasciûo ciû pe interesci e ambissoin personali che ätro , l'è dûòu dä seia ä matin ätri continuan a lö battaggia contra o potere çentralista de Romma .  LEGA
NORD PADANIA - NASSION LIGÛIA
Indebolïa da crixi e scissoin interne , chinnâ a-o minimo storico co-e elessoin europpee do 1999 , a pâ in remonta dòppo che a-e Regionali 2000 cö sêu 4,2% a l'à permisso a-o Lûsciandro Biasotti de montâ a-o goerno da region . 
LIGURIA FUTURA - MOVIMENTO FEDERALISTA Movimento fedealista nasciûo da 'nna scission interna ä Lega Nord : paiva c'a dovesse presentâse a-e regionalli 2000 cö candidòu Sen .Avogadro , ex-scindico da çittadinn-a de Arasce , ma a lista a no l'è dappêu stæta presentâ . A pagina do scito a l'è ancon vixibile ma a me pâ morta da ben ben de tempo . Con ogni probabilitæ sto movimento o l'è morto lì , comme quæxi tûtti quelli nasciûi dä coæ de potere personale de dissidenti leghisti .  M.I.L.-
MOVIMENTO INDIPENDENTISTA LIGURE
La Liguria ha il diritto internazionale di ritornare indipendente e sovrana: il Movimento Indipendentista Ligure vuole che questo diritto diventi realtà.
ARGE - ASSOCIAZIONE REPUBBLICA DI GENOVA |
