L'an avvistæ a-o largo
pröe in scê Zena
e ciusme di corsæ
co-a mortecicca gianca.

Campann-e no se sente
in sciâ çittæ addormïa:
solo o rosäio de galëe in desarmo
e o späximo do mâ
ch'o se lamenta.

No scöre sangue
e a gexa a l'é deserta:
un pò de poïa, un lesto contrattâ
e i òmmi accapponæ
cóntan palanche.

Piggia a chitära,
stronelladô da gïo,
affonda o cheu
e canta che in çittæ
gh'é ödô de muffa,
che solo dòppo a çenie gh'é respïo.

Sergio Sileri 
(da "O zeugo sensa fin", Genova, 1972)

Le hanno avvistate al largo, 
prue su Genova, 
le ciurme dei corsari 
col teschio bianco. 

Non si odono campane 
sulla città addormentata: 
solo il rosario delle galee in disarmo
e lo spasimo del mare 
che si lamenta. 

Non scorre sangue 
e la chiesa è deserta: 
un po' di paura, un lesto contrattare 
e gli uomini capponati 
contano soldi. 
Prendi la chitarra, 
stornellatore da giro,
affonda il cuore 
e canta che in città 
c'è odore di muffa, 
che solo dopo la cenere c'è respiro. 
 
 

(traduzione di Alessandro Guasoni

E öe che ne lìmman o cheu
son fæte de scciumma de mâ,
co-i sproin che pan squæxi imbriægâ
o scöso do cäo portixeu.

Beneito quest'àspeo salin
ch'o l'arrensenisce ògni forma,
ch'o scava, ch'o scrive a seu orma
e o lascia o spettî de 'n lummin

in fondo à ògni seunno e inluxon,
in fondo à ògni neutte d'inverno,
a-e scäe ch'an nomme d'eterno,
ò in sce 'n solitäio barcon.

Noiätri, arëlæ in scî nòstri anni,
sentimmo, inte l'öa de sarpâ,
ciammâ nòstro poin o meistrâ,
e creua tutt'assemme i inganni.

Ciù ninte çe poemmo aspëtâ
e, zà consummæ da l'atteisa,
e veie mettemmo à l'impreisa
pe donde o destin o vorrià.

Alessandro Guasoni 
(da "L'ätra Zena")

 Le ore che ci limano il cuore 
 son fatte di spuma marina 
 i cui spruzzi sembrano quasi ubriacare 
 il grembo del caro porticciolo.

 Benedetto quest'aspro salino 
che raggrinzisce ogni forma 
 che scava e scrive la sua orma 
e lascia lo sfrigolìo d'un lumino 

in fondo a ogni sogno e illusione, 
 in fondo a ogni notte d'inverno, 
alle scale che hanno nome d'eterno 
 o su di una solitaria finestra. 

Noi, rannicchiati sui nostri anni, 
 udiamo, all'ora di salpare, 
che il nostro padrino, il maestrale, 
ci chiama, e cadono di colpo gli inganni. 

Più nulla possiamo attenderci 
e, già consumati dall'attesa,
 mettiamo le vele per l'impresa 
per dove il destino vorrà... 
 

(traduzione dell'autore)

Ùmio l'òrto de lunn-a
donde i sentê s'asmòrtan,
donde gossa l'eterno;
primmaveie che spóntan
da l'ægua de l'inverno,
ch'a l'arve e brasse a-o çê,
prefonda.

Ecco 'na meia rossa
in sciâ töa da coxinn-a
sott'a-a luxe do néon.
E mi o scilensio ammïo
fâ a casa ciù piccinn-a
e zeâse in scî canti,
stremïo.

Alessandro Guasoni 
(da "L'ätra Zena", Genova, 1992)

 Umido l'orto di luna 
 dove i sentieri si spengono, 
dove gocciola l'eterno; 
primavere che sorgono 
 dall'acqua dell'inverno, 
che apre le braccia al cielo,
profonda. 
Ecco una mela rossa 
sul tavolo di cucina
sotto la luce del neon.
E io guardo il silenzio 
rendere la casa più piccola 
e gelare sugli angoli, 
spaventato.
 
 

(traduzione dell'Autore)

Doî che zeugan a-a möra, un zembo à beive
co-a cantabrunn-a in göa, l'òmmo de tasce
solo in sciô bòrdo de 'na tòua longa:
pòi, ciù in fondo, o parlâ de doe bagasce.
'Na cöa de luxe a vegne zù da-a spia,
a l'arrïa giusto dond'o s'é assettòu
lê, che manco o l'ammïa questi ätri e o lëze
un tòcco de papê mëzo cegòu.
Framëzo a-o rïe,a-e giastemme,a-o fumme,a-o scùo,
à 'na gente coscì, ti ti te geni.
Lê invece, s'o se mescia, l'é pe andâ
da quell'òmmo de tasce, à dîghe: "Vegni!"
 
 

Roberto Giannoni 
(da "E trombe", Milano, 1997)

Due persone che giocano a morra, un gobbo che beve 
avendo in gola il tubo del vino, l'uomo delle tasse
che rimane solo, sul bordo di una lunga tavola. 
Come sfondo, il parlare di due prostitute.
Un poco di luce viene giù dallo spioncino, 
e arriva proprio là dove si è seduto 
lui, che non sembra guardare gli altri e legge 
un suo pezzo di carta, in parte piegato. 
In mezzo alle risa, alle bestemmie, al fumo, al buio,
a una gente così, ci si sente imbarazzati. 
Lui invece, se si muove, è per avvicinarsi 
all'uomo delle tasse e dirgli: "Vieni!" 
 

(traduzione dell'Autore)

Sola, inte l'ombra, l'ùrtima axinella
a spegia 'na limòxina de sô
e sperando a l'aspëta un segnale
da-o strascin de 'na stella.

Plinio Guidoni
(da "Controvento", Savona, 1990)

(traduzione dell'Autore)

Neuttetempo, in sciâ ciassa de San Mattê
un òmmo o sta lì assòrto, ombra anche lê
confusa a-e ätre da gexa medievale.

In scê prìe gianche e neigre gh'é scrïto tanta glòria,
sospïa, o vento, l'eco de vittòrie antighe,
canti de libertæ, osanna de pòpolo.

Raggi de luxe arcana.
Tutt'assemme, da-o çê
o rombo de 'n Caravel o l'interrompe o silensio,
a scena a s'inlùmina screuvindo doì mondi,
dovve vegi amixi aspëtan che fasse giorno.

Giuliano Balestreri 
(da "A ballata do Besagno")

 Nottetempo, sulla piazza di San Matteo 
un uomo resta assorto, ombra anch'egli 
confusa con le altre della chiesa medioevale. 

Sulle pietre bianche e nere sta scritta tanta gloria, 
il vento sospira l'eco di vittorie antiche, 
canti di libertà, osanna di popolo. 

Raggi di luce arcana. 
Improvvisamente, dal cielo 
il rombo d'un Caravel interrompe il silenzio, 
la scena si illumina scoprendo due mondi, 
dove vecchi amici aspettano che faccia giorno.
 

 (traduzione A. Guasoni)

Ammïo into spegio e veddo unna vallâ
imbeviâ do licöre di derrùi,
affiòu comme 'nna spâ.
Barlugon d'ëse solo à ammiâ into veuo,
inte l'averto che nisciun conosce,
ponti che into seu xeuo
rëzan i asciæ do çê; questa a l'é a lezze,
a nòstra patria e casa, ch'a ne parla
con de trombe de bronzo inte borrasche
e gosse d'öo in scê scuggëe de cento,
ch'a lampezza in sciô pòlo
ærto do cheu, da-a giassa e da-o scilensio.

Alessandro Guasoni
(da "L'ätra Zena", 1992)

Guardo nello specchio e vedo una valle 
imbevuta del liquore dei dirupi, 
affilato come una spada. 
Vertigine d'essere solo a guardare nel vuoto, 
nell'aperto che nessuno conosce, 
ponti che nel loro volo 
sorreggono gli assali del cielo; questa è la legge, 
la nostra patria e casa, che ci parla 
con trombe di bronzo nelle burrasche 
e gocce d'oro sulle scogliere di pianto, 
che lampeggia sul polo 
alto del cuore, dal ghiaccio e dal silenzio.
 

(traduzione dell' autore)

A prescisciun di ani passi
a se desgöglia ancöi inte l'àrima, sutürna:
de longhe fire de arastre e baticristi
uramai sechi, e ch'i nu punze ciü,
e chele poche nìvure de rie
desgagliae inte l'aria, ina bufà.
E mi setau inscia bunda, stagu a mente
a trena di ani smorsi e sensa audù.

Andrea Capano 
(Ventimiglia)

La processione degli anni appassiti 
si snoda oggi nell'anima, cupa: 
lunghe file di ginestre spinose e agavi 
ormai secche, e che non pungono più, 
e quelle poche nuvole di riso 
sciolte nell'aria, un soffio di vento. 
E io, seduto sulla sponda, osservo 
il corteo degli anni spenti e senza odore.

(Alessandro Guasoni)

(trad.Alessandro Guasoni)

Ghe porriæ ciantâ ancon st'ätra bandëa!
Paggio a carta do mondo, mi! E che ciæto
passâme e seie chì che se ghe zëa...
No gh'é da roziggiâseghe o figæto
à fâ sta vitta, sempre à sta mainëa?
E dappeu a vitta a l'é appeisa à 'n cancæto.
O se desmòlla, t'intri inta cädëa...
...Viè 'ccà! Come here! O se n'é zà anæto.

Roberto Giannoni
(da "E trombe", 1997)

Ci potrei piantare su quest'altra bandiera! 
Assomiglio ormai ad un atlante! E che faccenda 
passare le sere qui, in mezzo al gelo... 
Non c'è darosicchiarsi il fegato 
a fare questa vita, sempre nella stessa maniera? 
Per non dire che la vita è appesa a un gancio. 
Si allenta, cadi nella caldaia... 
...Viè ccà! Come here! Se n'è già andato. 
 

(trad. dell'Autore)

(Alessandro Guasoni)
( da "A pòula e a lunn-a")

(trad.Alessandro Guasoni)

Ti ô veddi?
Òua o bordezza.
Se a comba gianca a l'é in sciô barconetto,
o cabra, o se regïa,
o fa quattro virate sorvia a casa,
o tïa doî crïi
e o filla verso o sô.
 

Sergio Sileri 
(da O zeugo sensa fin, 1972)

Lo vedi? 
Ora bordeggia. 
Se la colomba bianca sta sul balconcino, 
lui cabra, si volta, 
fa quattro virate sulla casa, 
lancia due gridi
e fila verso il sole.

I cömbi de Santa Brìgida,
tòsto che séntan l'arvî de giöxìe,
an a fillonaia d'asbriâse
in sce' n barcon, dovve miggio, scaggeua
e fregogge de pan secco son sparpaggiæ
pe 'nna amorosa, silensiosa inteisa.
Remasuggi d'òrti e giardin, macerie
son chì insemme inte questa vegia zòna
sghemba rachìtica co-i moin rosiggiæ
de tante creuse,monta e chinn-a,
gïa e scappa, rebighi pe svignâsela;
Famagosta ("Magosa", dìxan i turchi),
Balaclava son e targhe pompose
in contrasto a-a cagnara da rabbadaia
in gïo a-i foei de plàstica e rumenta,
ma insemme à l'äia àcida de vòtte
arriva sbuffi freschi, diæ de turchin
da-o çê, grata amicissia
di cömbi de Santa Brìgida
quande se refóllan in scî barcoin.

Giuliano Balestreri 
(da "A ballata do Besagno", 1974)

I colombi di Santa Brigida 
appena sentono aprire le persiane, 
hanno la furbizia di lanciarsi 
su una finestra, dove miglio, scagliola, 
e briciole di pane secco sono sparpagliate 
per un'amorosa, silenziosa intesa. 
Rimasugli d'orti e di giardini, macerie
/ sono qui insieme in questa vecchia zona 
sghemba rachitica con i mattoni rosicchiati
di tanti viottoli, sali e scendi, 
gira e scappa, ghirigori per svignarsela; 
Famagosta ("Magosa" dicono i turchi),
Balaclava, sono le targhe pompose 
in contrasto con la cagnara della ciurmaglia 
intorno ai falò di plastica e spazzatura, 
ma insieme con l'aria acida a volte
 arrivano sbuffi freschi, ditate di azzurro 
dal cielo, grata amicizia 
dei colombi di Santa Brigida 
quando si rifugiano sulle finestre.
 

(trad. di A. Guasoni)

E àgavi an buttòu. Con sto remescio
da chì à pò no sciortià manco ciù e bisce.
Solo o mâ o l'è ancon pægio, comme o nescio
de casa, ch'o l'ammïa, ma o no capisce.

Roberto Giannoni 
(da E gagge, 1987)

Le agavi sono fiorite. Con questa confusione 
fra poco non usciranno neppure le bisce. 
Solo il mare è ancora uguale, come lo scemo 
di casa, che guarda, ma non capisce.

L'ea 'nna normale nêutte d'estæ
quande 'n zeneize ma anonimo scignô ,
o m'ha misso li , sotta mæ fræ
con ûn gran gesto da bon benefattô

e tra i ciæi do sô e o scûo da nêutte
li appeisa ho attrovou tanti galanti .
"Cäi scignori , mi ve porto in dêutte
a mæ zeneixitæ " , vêuggio maïi no amanti  .

E me son missa pe loiatri a travaggiâ : 
"No l'è diffiçile , ti sæ " .
Lö m'han dïto :"söo ti devi salûa ,
quelli che intran in ta çittæ "

Ma ûn giorno travaggiando con pascion
passa de li ûn italian , fascista o comunista ?
L'avio salûou con troppa decixon 
se dappêu o m'ha mandou ûn giornalista ??

Cöse g'aviò fæto de mâ a-o sciö Scimunetto ?
Mi no vaggo a inciastrâ e schêue
comme o so amigo , l'Agnoletto .
Mi porto söo de cöse vëgie e nêue .

Ma Scimunetto , no son miga 'nna Kamikaze
mi porto o to nomme , i to messiavi .
Perchè ti me vêu fâ cazze ?
Cöse ti provavi quande ti m'ammiavi ???

Mi son söo 'nna poula antiga
c'a vêu dî stöia e tradissoin ,
mi porto amô e son l' amiga 
e di vëgi e di garsoin

Oua staggo chi e aspëto i cantonê
che me levian de li con 'n pretesto ,
mi che voeivo ëse a moggê
de l'ommo zeneize e do foresto .

Era una normale notte d'estate 
quando un genovese , ma anonimo signore
mi ha messo li , sotto a mio fratello
con un gran gesto da buon benefattore

e tra la luce del sole e il buio della notte
li appesa ho trovato tanti fidanzati .
"Cari signori , io vi porto in dote
la mia genovesità"  ,voglio mariti non amanti.

E mi sono messa per loro a lavorare
"Non è difficile , sai "
Loro mi hanno detto :" solo devi salutare ,
quelli che entrano in città"

Ma un giorno lavorando con passione 
passa di li un italiano , fascista o comunista ?
L'avrò salutato con troppa decisione
se poi mi ha mandato un giornalista ??

Cos'avrò fatto di male al signor Simunetto ?
Io non vado a sporcare le scuole
come il suo amico l'Agnoletto .
Io porto solo cose vecchie e nuove .

Ma Scimunetto , non son mica una Kamikaze
io porto il tuo nome , i tuoi antenati
Perchè mi vuoi far cadere ?
Cosa provavi quando mi guardavi ???

Io son solo una parola antica
che vuol dire storia e tradizioni ,
io porto l'amore e sono l'amica
sia dei vecchi che dei ragazzi .

Ora sto qui e aspetto i vigili
che mi toglieranno con un pretesto ,
io che volevo essere la moglie
del genovese e dello straniero .

Dixe o maligno, quande o ne censûra 
che a fâ ûn zeneize , ma de quelli vëi 
ghe vêu dûi levantin e quattro ebrei !
Ma o zeneize però o ne se ne cûra
e pûr riconoscendo a so natûra
i so difetti e debolesse e i nei ,
i genitori son gloriosi e fëi
quando a so prole a l'è de razza pûra .
Se dixe ansi che p'ëse segûo
che no se tratte de progenie fäse ,
appenn-a nasce ûn figgio , pronto o poæ
o mette contra ûn spegio bello nûo 
e se quello o no se riesce a arrampinäse
o genitore o dixe : o no l'è o mæ!.

( Aldo Acquarone )

Dice il maligno , quando ci critica
che per fare un genovese , ma di quelli veri
ci vogliono due levantini e quattro ebrei !
Ma il genovese non se ne cura
e pur riconoscendo la sua natura
i suoi difetti le debolezze e i nei
i genitori son gloriosi e fieri
quando la propia prole è di razza pura -
Si dice anzi che per essere sicuro
che non si tratti di prole fasulla
appena nasce il filgio , subito il padre
lo mette contro uno specchio bello nudo
e se quello non riesce a arrampicarsi
il genitore dice : non è il mio !